MATERIAL GUIDE
裝修用料知多啲
揀得放心，住得安心
裝修最怕「睇唔明」－板材點解有咁多規格？甲醛點分等級？防水做幾層先夠？呢度一次過講清楚，同埋話你知我哋點樣揀料，令你毫無顧慮。
BOARD & FORMALDEHYDE
板材與甲醛：由 E1 到 ENF
甲醛釋放量越低，屋企越安全。揀板先睇呢個表。
基礎級
甲醛釋放量 ≤ 0.124 mg/m³。符合一般室內標準，係最基本嘅環保要求，適合普通用途。
更安心
甲醛釋放量 ≤ 0.050 mg/m³，比 E1 更嚴格一倍以上，適合對環保要求較高嘅家庭。
最高標準
甲醛釋放量 ≤ 0.025 mg/m³，係現行最嚴格嘅無醛添加等級，近乎自然木材水平。
我哋揀依隻
訂造傢俬及櫥櫃選用 E0–ENF 級生態板，唔係單靠口講，而係寫入報價單、有標準可查。
| 等級 | 甲醛釋放量 (mg/m³) | 建議 |
|---|---|---|
| E1 | ≤ 0.124 | 基礎室內 |
| E0 | ≤ 0.050 | 家庭友善 |
| ENF | ≤ 0.025 | 我哋採用・近乎無醛 |
顆粒板（刨花板）木碎壓成・性價比高
優點：防潮、價錢實惠、易做造型，適合衣櫃、鞋櫃、書枱等儲物；重點係芯層封邊要做好，先唔易受潮變形。
多層板（膠合板）多層實木單板交叉壓合・更穩固我哋採用
優點：結構更韌、受力好、唔易變形，適合廚櫃、大跨度層板等，價錢稍高但更耐用。
細芯板（大芯／細芯夾板）實木條芯・握釘力好
優點：芯材係實木條，握釘力強、受力好，適合做承重櫃體、大件傢俬；我哋廚櫃亦有用到細芯夾板。
密度板（中纖維板 MDF）平滑纖維・易雕花
優點：表面平滑、可直接焗漆雕花，適合造門板、造型線條；注意防潮較弱，唔建議用喺廚廁濕位。
生態板（三聚氰胺飾面板）可選顆粒／多層芯＋飾面我哋採用
優點：表面耐磨免漆、易清潔，芯材可以選顆粒或多層；我哋訂造傢俬用 E0–ENF 級生態板，配合六面無縫封邊，環保又耐用。
甲醛釋放，隨時間下降
板材出廠後甲醛會逐漸揮發，等級越高，初期濃度越低、消散越快。
縱軸：甲醛濃度（越低越好）｜橫軸：入住後時間。ENF / E0 板初期濃度更快回落。
橫軸＝入住後時間；愈右下濃度愈低。ENF / E0 初期更低、回落更快。
我哋喺板材上仲做多咗呢啲
- 用 ENF / E0 級生態板，甲醛釋放量嚴格受控
- 六面無縫激光封邊－板身六面全封，防潮防霉，甲醛更難外釋
- 「釘裝做法」而非三合一，結構更穩固、唔易鬆脫
- 緩衝門鉸、加厚背板，執料睇得見，細節唔偷工
我哋用料仲有呢啲（寫入報價單，可查證）
- 生態板用 鵬森／木管家 等 ENF 級牌子，唔含糊
- 櫥櫃用 德利防火膠板 或 多層生態板，檯面用 石英石
- 門鉸用 304 不鏽鋼油壓緩衝門鉸，櫃桶用 三節緩衝路軌
- 電線用 本港電線，面板用 Schneider／MK 白色系列
- 來去水用 英國食水銅喉（暗喉走焊錫）＋水壓谷磅測漏
- 假天花用 鋁質長條假天花，配 飛利浦 LED 筒燈
- 工廠優惠期：傢私門板 免費升級六面無縫封邊
FACTORY DIRECT
內地工廠直供・性價比更高
我哋喺內地設有自家生產線，板材、櫃體直接出廠，慳走中間商。
直接出廠，唔使層層加價
原材料到生產一條龍，運輸同管理成本更可控，令你喺同等用料下享受到更實惠嘅價錢。
生產過程自己把關
自家工廠，板材等級、封邊、五金都用自己揀嘅方案，唔會因為出咗價就偷工減料。
平價唔代表低標
就算工廠直供慳落成本，我哋依然堅持用 ENF/E0 生態板、環保水性物料，慳錢唔慳質素。
要幾多造幾多
按你屋企實際尺寸訂造，唔會嘥料，師傅上門度呎，裝到啱啱好、收口靚。
MATERIAL PICKER
用料選擇小幫手
答 3 條問題，幫你揀啱板材、油漆同防水重點。
OUR TIMELINE
裝修工序時程表
幾時做咩、中途你會見到咩，一目了然。
你要 check：制位位置啱唔啱、水壓谷磅有冇過關
你要 check：蓄水測試記錄、磚面平唔平、有冇空鼓
你要 check：色卡對色、牆身平滑、陰角企直
你要 check：封邊做足六面、門鉸緩衝回彈、路軌順唔順
你要 check：執漏問題、保養資料、先俾尾數
* 實際工期視乎單位大小、工程範圍及訂造傢俬進度，度呎報價時會列明。全程你都可到場監工、按節點驗收。
WATERPROOFING
防水科普：廁所廚房點先唔漏
防水做唔足，滲漏連累鄰居，後患無窮。我哋用呢套標準。
我哋嘅防水做法
- 用 SIKA-107 專用防水料，刷足 3 層
- 廁所牆身刷到 7 尺高、廚房 2 尺高，重點位唔偷位
- 完成後做 24–48 小時蓄水測試，確認不漏先鋪磚
- 地台、牆腳、企缸邊位全部重點處理，睇得見嘅穩妥
PAINT
油漆科普：環保低味先住得舒服
油漆唔止顏色咁簡單，仲關乎甲醛、VOC 同耐唔耐用。
立邦・竹炭抗甲醛五合一乳膠漆
具抗甲醛、低氣味、防霉、耐擦洗等功能，刷完乾透快，氣味細，適合有小朋友同長者嘅家庭。
三層打磨先上色
牆身天花先剷底、油防潮底漆、批灰打磨，最後先上面漆，平滑耐用唔易起泡。
防潮底漆做底
特別係舊樓、近海單位，底漆防潮能有效減少牆身發霉、甩灰，長遠更襟用。
輔料都用環保嘢
新砌牆用環保輕磚＋纖維網批蕩，防開裂；清鏡用無水銀環保鏡，減少重金屬風險。
剷底
剷走舊灰、油污
防潮底漆
先防潮防霉
批灰打磨
填平牆身裂紋
上面漆
立邦抗甲醛乳膠漆
一鍵計：你屋企要幾多桶漆
入面牆＋天台有幾大、諗住上幾多層，即話你知。
即約 4 桶 5L 乳膠漆
以每 5L 一層約滾油 400 呎² 估算，實際睇牆身狀況、批灰吸水同油漆品牌。
PRICING
報價透明・零隱藏收費
最怕報完價又話「呢度要加錢」？我哋唔係咁。
每項都寫清楚
報價單逐項工序、用料、數量列明，你睇到每一筆錢花喺邊，懷疑就逐項問。
合同價即結算價
簽約後除非你主動改設計或加項目，否則絕不無故加價，改動前亦會先報價確認。
唔使一次過俾晒
按階段俾：開工、水電、鋪磚、完工，逐步嚟，你控制住進度同資金。
完工有得跟
全部工程提供一年保養，執漏問題一個電話，師傅上門跟進，唔會做完就走咗。
SAFETY
水電安全・先安心
水電係「隱形工程」，做完又好難拆開睇，更要睇得緊。
我哋點做水電
- 來去水用 英國食水銅喉（暗喉走焊錫），完工做水壓谷磅測漏
- 電線用 本港電線，面板用 Schneider／MK 白色系列
- 電燈、插蘇制位實數實計，唔會估估下
- 持牌：電業承辦商 035048、註冊水喉工匠 B193478，合例合規
ACCEPTANCE
驗收與保養
完工唔係我哋話「得」就算，係你逐項 check 過先收貨。
完工前你要 check 呢啲
- 防水蓄水測試有咗未（要有記錄）
- 鋪磚、批灰、面漆平唔平滑
- 櫥櫃門鉸緩衝、封邊完唔完整
- 水電制位、去水、冷熱水正常
- 清潔乾淨晒先交收、先俾尾數
我哋會主動配合
- 每個節點主動叫你去睇、去簽
- 提供用料品牌、型號可查證
- 完工附質保資料，1 年保養
- 執漏問題 24 小時內回覆跟進
- 收尾清潔做好先交匙
PEACE OF MIND
你擔心嘅，我哋都諗埋
眼見為實，用細節話你知點解可以放心。
一般嘅擔心
- 板材甲醛超標，住耐咗怕影響健康
- 封邊偷工，受潮就起泡變形
- 防水做唔足，漏水連累鄰居
- 油漆味大，小朋友唔住得
- 公司報價平，用料就跟住縮水
我哋嘅做法
- ENF/E0 級生態板，甲醛近乎無醛
- 六面無縫激光封邊，防潮防霉
- SIKA-107 刷 3 層＋蓄水測試
- 立邦竹炭抗甲醛乳膠漆，低氣味
- 內地工廠直供，慳成本但唔慳用料